Rydym wedi llunio rhai teithlenni posibl ar eich cyfer sy’n dangos y gorau o’r hyn sydd ar gael yn y rhan unigryw hon o’r byd. P’un a ydych chi’n teithio ar eich pen eich hun, gyda’ch teulu neu fel rhan o grŵp, mae yma brofiadau a gweithgareddau sy’n addas i bawb.

Mae pob teithlen wedi ei llunio i gynnig profiad dilys i chi o wyliau byr yn crwydro llwybrau anghysbell. Os ydych chi’n chwilio am antur, diwylliant, hanes, natur, harddwch a drama yna rydych yn mynd i gael gwledd. Mae llawer o ddarparwyr llety ac atyniadau eraill sydd heb eu cynnwys yn y teithlenni felly gwnewch yn siŵr eich bod yn edrych ar ein gwefan gyfan i’ch helpu i greu eich gwyliau perffaith.

Mae Calon Ddramatig Cymru yn ddewis gwych ar gyfer gwyliau byr gyda phellter cymdeithasol. Gyda chymaint o atyniadau awyr agored o barciau gwledig a’n glan môr gwych i’n rhes o fynyddoedd a thirweddau naturiol, gallwch ymlacio gan wybod eich bod yn cael gwyliau diogel. Mae llawer o’n busnesau twristiaeth wedi ennill statws ‘Barod Amdani’ ac wedi ymrwymo i gynnal y safonau uchaf o ddiogelwch a glendid.

Mae gwarchod ein tir ar gyfer cenedlaethau’r dyfodol tra’n gofalu am y naill a’r llall yn rhan o’r hyn sy’n ein diffinio. Mae Croeso Cymru’n eich gwahodd i wneud eich ‘Addewid’, felly ymunwch â ni i wneud eich addewid cyn eich ymweliad. Drwy weithio gyda’n gilydd i gadw pawb yn ddiogel gall pob un ohonom fwynhau’r hyn sydd gan Galon Ddramatig Cymru i’w gynnig.