Sefydlwyd Abaty Margam yn 1147, a hi yw’r unig fynachdy Sistersaidd yng Nghymru lle mae corff yr eglwys yn dal yn gyfan ac yn gweithredu fel eglwys y plwyf. Mae hefyd yng nghanol digonedd o greiriau sy’n atgof o’r gorffennol, yn fwyaf amlwg y tŷ siapter 12-ochr. Yr ochr arall i’r fynwent, mae gan Amgueddfa’r Cerrig gasgliad gwych o gerrig a chroesau cerfiedig, rhai yn dyddio o’r 6ed ganrif, ochr yn ochr â gargoyl hynod anfoesgar.