Rhaeadr Melin-cwrt

Saif Gwarchodfa Natur Melin-cwrt mewn cwm cul â llethrau serth sydd dan orchudd clychau’r gog yn y gwanwyn. Er mai taith gerdded hawdd yw hon, mae angen bod yn ofalus wrth gerdded ar hyd y llwybr sy’n dringo’n raddol hyd at y rhaeadr 80tr o uchder, a baentiwyd yn nodedig gan Turner ym 1794. Ceir un o’r gweithfeydd haearn sydd wedi’u cadw orau yng Nghymru ar lethr ogleddol y warchodfa. Agorwyd y gwaith ym 1708 am 100 mlynedd o gynhyrchu haearn, gan ddefnyddio llif y dŵr i bweru’r gwaith. Mae’r lleithder uchel sy’n cael ei greu gan y rhaeadr yn amgylchedd perffaith ar gyfer rhedyn yn benodol, gyda mwy nag 20 rhywogaeth wedi’u cofnodi yn y safle.
Gwylio Bywyd Gwyllt: Mae rhedynach teneuwe Tunbridge eiddil i’w gweld yma. Cadwch lygad am y coed lle bydd cyfle da i chi weld y tingoch, y gwybedog brith a delor y cnau yn yr haf.