Mae pobl yn dweud mai’r ffordd orau o ddod i nabod rhywun yw cerdded milltir yn eu sgidiau. Mae hynny’r un mor wir am ddod i nabod Castell-nedd Port Talbot.

Felly parciwch y car, rhowch eich sgidiau cerdded ymlaen, a dewch yn gyfarwydd â’r lle a’r bobl (rydyn ni’n ddigon cyfeillgar).

Mae drama ac amrywiaeth ein rhanbarth bron yn ddigymar. Byd natur a gwaith dyn. Rhaeadrau a thonnau. Parciau gwledig a chamlesi. Llwybrau arfordirol ac yng nghefn gwlad. Nhw sy’n dylanwadu ar bopeth a wnawn a’n hunaniaeth, a gallwch ddod i’w nabod ar eich cyflymdra eich hun, trwy grwydro’n hamddenol ar lan yr afon neu heibio i fyny’r bryniau ac i lawr i’r cymoedd.

Doedd dim modd yn y byd i ni wasgu ein holl lwybrau cerdded ar un dudalen, felly rydyn ni wedi’u rhoi ar un map rhyngweithiol i chi. I gael manylion y llwybrau, gan gynnwys mapiau a chardiau, pwyntiwch a chliciwch ar y llwybr(au) unigol sydd o ddiddordeb i chi.