Yr Un Mentrus: Mae Cwm Afan yn nefoedd i feicwyr mynydd, gyda rhai o lwybrau gorau’r byd, sy’n dwyn enwau brawychus fel ‘Y Wal’ a ‘Blade’. Ond peidiwch â phoeni, mae digon o lwybrau haws ar gyfer reidwyr dibrofiad neu fwy hamddenol hefyd.

Yr Un Hardd: Nid dim ond ni sy’n dweud hynny, ond y naturiaethwr enwog o’r 19eg ganrif, Alfred Russel Wallace. ‘‘Ni allaf alw i gof unrhyw ddyffryn sydd... yn cynnwys cynifer o olygfeydd hardd a phictwresg... â Bro Nedd’.

Yr Un Tawel: Ar un adeg buasai’r cwm hwn yn llawn seiniau, golygfeydd ac arogleuon pwll glo caled dyfnaf y byd. Bellach mae byd natur wedi hawlio’r ardal hon yn ôl i raddau helaeth, gan adfer ysblander a llonyddwch y gorffennol.

Yr Un Artistig: Calon y cwm hwn yw Pontardawe, sy’n gartref i Ganolfan Celfyddydau Pontardawe ac Oriel Lliw. Cynhelir Gŵyl Pontardawe ym mis Awst bob blwyddyn, gyda chyfuniad eclectig o gerddoriaeth fyw.

Yr Un Garw: Y cwm pellaf i’r gorllewin yw’r porth i dirlun gwyllt Mynyddoedd Du Parc Cenedlaethol Bannau Brycheiniog. Dyma rydych chi’n fwyaf tebygol o glywed y Gymraeg fel rhan o fywyd beunyddiol.